miércoles, 10 de abril de 2013

ERROMA JATORRIA

     ERROMAREN JATORRIA(bloga)
Erroma Italiako penintsularen erdian dago, Lazio eskualdean hain zuzen ere. Tiber ibaiaren ertzeko muino batzuen gainean kokatutako hiri hau enklabe paregabe bihurtu zen, iparraldearen eta hegoaldearen arteko pasabide natural izateak merkataritza kontrolatzeko aukera eman baitzion. Honek eskualdearen hazkunde demografikoa eta ekonomia bultzatu zituen, baita instituzio batzuen inguruan bildutako elkarteetan biztanle ugari pilatzea ere.
Etruskoak ziren, Asia Txikiko jatorria zuen herri hau eta Italiar penintsulan kokatu zen K.a. IX. mendearen hasieran. K.a. VIII. mendearen inguruan, Lazio lurraldean, Tiber ondoan herrixka multzo bat zegoen eta bertako biztanleek, abeltzainak eta nekazariak, latinez hitz egiten zuten. Etruskoak izan ziren, lurraldearen kontrola lortu zutenean, Erroma benetako hiri-estatu bihurtu zutenak; barne antolamendu sendoa zuen, geroko hedapenerako ezinbestekoa izango zena. Erromako kokapen estrategikoak, Italiar Penintsulako ipar eta hegoaldearen arteko bide naturala, merkataritza kontrolatu ahal izatea ekarri zion eta honek bere hazkunde ekonomiko eta demografikoa erraztu zuen.
Erroma K.a. 753an sortu zuten. Eraiki ostean, monarkia ezarri zen Erroman eta bertako lehen erregea Romulo izan zen; kondairaren arabera, otso eme batek jaso eta jaten eman zion, bere anaia Remorekin batera Tiber ibaira botata izan eta gero. Baina berrehun eta berrogeita hamar urtean zehar Erroma iparraldekoen eta hegoaldekoen menpe egon zen. Geroago, Erroma hiri-estatu bihurtu zen. Errege-erreginak merkatarien eta artisauen jardunbidea bultzatzen zuten eta, ondorioz, ariztokraziaren atsekabea eta monarkiaren gainbehera geratu ziren, Errepublika garaiari hasiera ematen.